Shillong, Nailur 26 : Ka jingther u slap uba jur ha ki thain Western Ri-Bhoi, kala lam sha ka jingtwa khyndew bad jingkhyllem ki dieng hynne ka sngi Ba-ar ha ka thain Patharkhmah.
Ha kane ka jingjia, kawei ka kali kala shah bhen ha u dieng haduh ba kala julor klai bha. Kane ka kali ka dei ka Maruti Omni kaba don u nombor AS01-BP-2426.
Kat kum ka khubor la iathuh ba kane ka jingjia kala jia hynne ka janmiet por 3 baje eiei hadien ka jingslap ban eh slem ha ka thain.
Ka Tnad Pulit da ka jingiarap ki trai shnong kila iatrei borbah ban pynkhuid ia ka surok khnang ban iaid ki kali.
