Shillong, Nailur 24 : U Secretary ka Khasi Jaintia Christian Leaders Forum (KJCLF) Rev Edwin Kharkongor ula kynthoh ba ka jingleit iasoh ki 8 ngut ki MLA ka UDP sha ka BJP dang shen, ka dei ka jingshet kylla ia ka rai bala ai da u paidbah.
Haba kynthoh ia kane ka kam, u Rev Kharkongor ula ong kam don jingeh eiei lada ki riew shimet ki leit iasoh bad kano kano ka seng sain pyrthei dalade, hynrei ka jingeh ka mih haba ki nongmihkhmat bala jied da u paidbah ki kyntiap seng.
“Kane ka sienjam ka pyni ia ka jingkangar bor bad khwan myntoi ban ia ka jingaiti sha ka jingsynshar kaba bha bad ka bha ka miat u paidbah” ula ong.
Ha ka kyrwoh, u Rev Kharkongor ula kynthoh pyrshah ia ki nongrim treikam ka BJP, haba kynnoh ba ka pynshlur ia ka jingsynsahr kaba bun paid bad sngap jar jar pat ia ki mat kiba kongsan kynthup ka jingjia umsnam pher Jaidbynriew ha Manipur bad ka jingthombor ia ki Khristan bad ki rit paid da ki shnat treikam jong ka.
Ula kynnoh ba ka party, wat hapdeng ki skhim jingiarap, ka kyntur ia ka mat “One Nation, One Language, One Religion” ( “Kawei ka Ri, Kawei ka Ktien, Kawei ka Niam” kaba buh jingma ia ka jingithuh ba kyrpang ia ki riewlum bad ki ritpaid.
Ha Meghalaya, ula ong, ka BJP kala leh ia ka sain pyrthei ban pyniaid jubor hi. Watla ka don tang 2 seat, kala pyniaid ia ka Sorkar, bad ka jingkyntiap seng dang shen kala ai ia ka “jingsngewthuh kaba bakla bad kaba lamler ba ka long kaba biang”, u la ong.
U Rev Kharkongor ula ong ba ki MLA kila khaii ia ka jingshaniah u paidbah na ka bynta ka “X sbai rupa” bad ka nam ba shipor, da kaba duh noh ia ka burom bad ka nongrim ba ki ieng.
U ong ba mynta ka shong ha ki nongthep vote jong kito ki constituency ba kin pynpaw ia ka jingbitar jong ki bad ban kyntait ia kine ki jingshim kabu,
