Shillong, Jylliew 23 : U Symbud Myntri Rangbah ba khmih ia ki kam Pohiing (Police) Bah Prestone Tynsong ula ther tyngeh ia ka Sorkar United States of America (USA) ba kynnoh ba ka Jylla Meghalaya bad ka thain Shatei Lam Mihngi ka Ri India, ki dei ki jaka ki bym shngain ia ki nongshangkai pyrthei.
Ka USA dang shen kala pynmih ia ka jingbthah ba kyntu ia baroh ki nongshongshnong jong ka, ba kim dei ban leit kai sha Meghalaya bad kiwei ki Jylla ka thain Shatei Lam Mihngi ka Ri India namar ba ki dei ki jaka kiba ma bha.
“ka long kaba sngewsih ba ka sorkar United States of America (USA) kala pynmih ia kum kane ka jingbthah. Ngam tip nangno ka mih kane ka khubor bad nangno ruh ki ioh ia kane ka khubor” ong u Bah Prestone haba iakren bad ki lad pathai khubor.
U Bah Prestone ula pynshai ba ka Meghalaya ka dei ka jaka kaba shngain tam ha ka pyrthei.
“Bad ia kane la sakhi ym tang ma ngi na Meghalaya hynrei da baroh kawei ka Ri India…ym tang ka ri India hynrei wat ha satlak ka pyrthei, kila sakhi ia kane ba ka Meghalaya ha ka jingshisha ka dei ka jaka kaba shngain tam ban wan bad ban pynlut ia ka por shuti” ula bynrap.
 Bah Prestone Tynsong ula ther tyngeh ia ka Sorkar United States of America (USA) ba kynnoh ba ka Jylla Meghalaya bad ka thain Shatei Lam Mihngi ka Ri India, ki dei ki jaka ki bym shngain ia ki nongshangkai pyrthei.){kind=link}