Shillong, K’lyngkot 12 : Ka Hynniewtrep Youth Council (HYC) kala pynrem jur ia ka Sorkar Jylla halor ka rukom leh ia ki staff nurse ba trei contract, ki bym shym la ioh ia ka tulop naduh u bnai Risaw 2025 bad dang phah pat ia ki ban trei khlem kano kano ka jingthoh ba kin bteng ia ka jingshakri.
“Kane kam iapher bad ka jingiuhroit bala kyrshan da ka Sorkar” ong u Bah Roy Kupar Synrem, President ka HYC ha ka kyrwoh ba phah ha ka sngi Nyngkong.
Ka HYC kala buh jingkylli halor ia ka hok jong ka Sorkar, da kaba ong ba ka jingpynlong ia ki nurse ban trei khlem ka jingsiew bad ki hukum shakri kiba pynkhein ia ki kyndon ka Labour, ka service rules bad ka burom ka ijot ki nurse.
“Ki jingkular tang da ka ktien bad ki jingbthah ba khlem jingthoh kim lah ban bujli ia ki hukum da ka jingthoh lane pynksan ia ka jingshakri ba khlem jingsiew da ki bnai” ong u Bah Roykupar.
Ka HYC ka dawa ban pyllait noh mardor ia ki tulop ba sahteng, ai ia ka hukum da ka jingthoh ba pynjlan ia ka jingshakri jong kine ki nurse ba shah ktah bad ban leh tyngeh pyrshah ia ki Ophisar kiba donkti.
 kala pynrem jur ia ka Sorkar Jylla halor ka rukom leh ia ki staff nurse ba trei contract, ki bym shym la ioh ia ka tulop naduh u bnai Risaw 2025 bad dang phah pat ia ki ban trei khlem kano kano ka jingthoh ba kin bteng ia ka jingshakri.){kind=link}