Shillong, Rymphang 02 : U MLA ka NPP na Mawshynrut, Bah Gigur Myrthong, hynne ka sngi palei, ula thep kyrteng kum u kyrtong ka party ban iakhun ia ka elekshon MLA-2023 na Mawshynrut.
Ia une u MLA la synran da ki bahaiing hasem ha ryngkat ki Nongialam ba hakhmat ka seng NPP Mawshynrut ryngkat bad ki spah ngut ki Nongkyrshan.
Haba kren sha ki lad pathai khubor hadien ba dep thep kyrteng, u Bah Gigur ula pyntip ba ka thong ba hakhmag eh jong u ban leh lada u shah jied biang kum u MLA ka long ban kyntiew ia ka pule ka puthi bad ban pynbha ia ki surok lem bad ki lynti syngkien ha ka dong ka thain.
Haba kylli la u sngewskhem ban wan phai biang kum u MLA, u Bah Gigur ula ong ba ki paidbah kila sakhi ia kaei kaba ula leh ha kine ki san snem kum u MLA bad kyrmen skhem ba ki paidbah kin ai biang ka jingshaniah ha u ba un lah ban wanrah kham bun shuh shuh ia ki kam pynroi ha ka thain.
