Guwahati, Naitung 01: Ka Assam kala register ia ka case ba nyngkong eh hapoh ka ain thymmai Bharatiya Nyay Sanhita (BNS), kaba la sdang treikam hynne ka sngi Nyngkong ha Nagaon Police Station, pyntip u Myntri Rangbah ka Jylla Himanta Biswa Sarma hynne ka sngi.
Kane ka case ba nyngkong ka dei ka kam tuh mobile bad lute pisa ba T.7000. La register ia ka case ha Nagaon Sadar Police Station happh ka kyndon 351 (A) jong ka BNS. U Investigation Officer u dei u SI Ashad Ali.
Ka BNS ka dei ka Criminal Case ha India kaba la mynjur da ka Parliament ha u Nohprah 2023 ban bujli ia ka Indian Penal Code (IPC), kaba dei naduh ka juk synshar ka Ri Bilat.
“Ngi la biang lut nadong hadong ban pyntreikam ia kane ka ain thymmai. Palat 500 ngut ki pulit kila pyndep ia ki jinghikai ban pyntreikam ia kane ka ain thymmai. Ngin sa iaid pynsngewthuh ia ki paidbah, ki Pulit, ki nongsaid ain halor kane ka ain thymmai” ong u Sarma.
U Myntri Rangbah ula ong ba kawei ka mat thymmai la bynrap ha kane ka ain thymmai kaba la seisoh ha Assam. “Ha kine ki khyndiat sngi, ngi la iakhun ban pynduhjait ia ka jingiashongkurim khynnah hapoh ka Jylla. Ngi hap ban pyntreikam ia ka POCSO Act pyrshah ia ki briew namar ka Iingkashari Supreme Court kala pynmih ia ka hukum da kaba pynshong nongrim ia ka ain Islam ba iadei bad ka jingpyniashongkha khynnah. Mynta da ka BNS ngin khein ia baroh ki kam shongkha bad ki kynthei ba hapoh 18 snem kum ka kam leh beijot. Kumta ka lynti ka don ban iakhun pyrshah ia ka kam shongkha khynnah hapoh ka Jylla”.
, kaba la sdang treikam hynne ka sngi Nyngkong ha Nagaon Police Station, pyntip u Myntri Rangbah ka Jylla Himanta Biswa Sarma hynne ka sngi.){kind=link}