Shillong, Rymphang 25 : Ka Sorkar Jylla kala thung ia ka State Level Task Force (SLTF) bad ki District Task Force nalor ka jingpynsdang ia ka GIS mapping ia ki jaka ba don ki khniang bad ka jingsynreit dawai da ki drone ban iakhun ia ka jingbam khniang ki shylluit ha ki jaka rep diengkwai.
Ia kane la pyntip da u Myntri kam Rep Timothy D Shira ha ka jubab bala wanrah ha Iingdorbar Thaw Ain ha ka sngi Balng, uba la pyntip ruh ba ka Tnad kala iatehlok bad ka CPCRI na Kerela ban kami a ka jingpur ka jingbamkhniang ki shylluit diengkwai.
U Shira u pyntip ba ia ka jingpynkhuid ba ju pynlong manla u bnai lah pyntip ha ka Meghalaya ONE Portal bad la ai jinghikai ia ki nongrep ba kin ithuh bad tehlakam ia ka jingbam khniang.
Ki don ruh ki jingbthah bala shon ha ki kot lyngkdop, kiba la pynkhreh da ki saiantist ka ICAR, KVK, MBMA bad CPCRI lah sam sha ki nongrep nalor ka soskular bad ka CPCRI Kasaragod kaba la iasoi ha ka 28 tarik Risaw 2025 ban pynroi ia ka kam rep kwai.
Lah leh ruh ia ka GIS assessment ha North Garo Hills ha ka 28 tarik Kyllalyngkot haduh 6 tarik Rymphang 2026 bad ka MBDA bad ia kane yn sa leh ruh ha kiwei ki District. Shuwa kane, la leh ruh ia ka drone mapping ha WGH (14-15 Nailar 2025) bad la pynbud da ka Bordeaux mixture spraying (10-14 Naiwieng 2025) bad ka NECTAR bad SVM.
U Shira ula bynrap ba ka Tnad kala sam ruh ia ki dawai pyniap khniang bala ai subsidy sha ki nongrep kwai.
Na ka bynta ki nongrep ba shah ktah, ka Sorkar kala sam ruh ia kiwei pat ki jait jingthung-ki lakait, sohtrun bad sohmarit-hapoh ka skhim FDS bad RKVY.
 bad ki District Task Force nalor ka jingpynsdang ia ka GIS mapping ia ki jaka ba don ki khniang bad ka jingsynreit dawai da ki drone ban iakhun ia ka jingbam khniang ki shylluit ha ki jaka rep diengkwai.){kind=link}