Shillong, Naitung 03 : Ka Sorkar Jylla kala thung ia ka Shillong Medical College Anti-Ragging Committee ba 10 ngut ki dkhot, kaba khlieh da u Dean ka Shillong Medical College.
Ka jingthmu ba kongsan eh jong ka Committee ka long ban khanglad ban ban leh eiei halor ki jing jia ragging ha campus bad hostel ka college.
Ki kam kiba ka Committee kan trei ki kynthup ia ka jingpyntreikam ia ka anti-ragging rules, pynlong ia ki jingialap ban pynsngewthuh iaki samla pule, ban leh eiei halor ki jingujor bad ban ai jingmut ia ki jing pynshitom ne disciplinary action.
Kan ai ruh ia ka kaiphod haba donkam bad iakynduh shisien ha ka semester lane haba donkam.
Ka jingthaw ia ka Committee ka thmu ban pynthikna ia ka jingshngain bad ka jinglait na ki kam ragging hapdeng ki samla pule ha Shillong Medical College.
