Shillong, Iaiong 03 : Ka Sorkar Jylla kala thaw ia ka All Party Committee (komiti jong baroh ki seng sain pyrthei) ba kan iasyllok bad ai jingmut halor ka kam ba iadei bad ka jingpyniasoh lynti rel ha Jylla Meghalaya.
Ka jingpynbna bala pynmih da u Chief Secretary Bah DP Wahlang ha ka sngi Balang, ka ong ba kane ka Committee kan dei kaba la khlieh da u Myntri Rangbah ka Jylla lane da kino kino ki Myntri kiba u Myntri Rangbah u bynshet kam.
Baroh ki seng sain pyrthei la kyrpad ba kin phah kyrteng ia arngut ki nongmihkhmat sha ka Committee. Ki Tnad Sorkar ba don jingiadei kam bad kane ka kam ruh kin shah khor sha ka jingialang ban pynlong da ka Committee.
Kat kum ki kyndon treikam, la bthah ia ka Committee ban shong bishar bad wad ia ki lad ban pynbeit, ki lad ki lynti ban wanrah ia ka jingshna lynti rel ha Meghalaya.
Ka Committee kan bishar ruh ia ka jinglut jingsep ban wanrah ia ka lynti rel hapoh ka Jylla. Kan sa pan jingmut na baroh ki kynhun bad hadien kan sa aiti ia ki jingai jingmut sha ka Sorkar Jylla.
 ba kan iasyllok bad ai jingmut halor ka kam ba iadei bad ka jingpyniasoh lynti rel ha Jylla Meghalaya.){kind=link}