Guwahati, Nailar 17 : Ka Central Bureau of Investigation (CBI) kala thaw ia ka kynhun ba 53 ngut ki Ophisar ki ban tohkit ia kiba bun ki jingjia kiba iadei bad ki kam iaumsnam ha Jylla Manipur.
Kane ka kynhun ka kynthup ia 29 ngut ki Ophisar kynthei. Kane ka kynhun ka kynthup ia lai ngut ki Deputy Inspector General (DIG)- Lovely Katiyar, Nirmala Devi bad Mohit Gupta- nalor u Superintendent of Police Rajveer.
U Solicitor General Tushar Mehta ula pyntip dang shen sha ka Iingkashari Supreme Court baka CBI kan tohkit ia ki 12 tylli ki ejahar ba iadei bad ka jingshah thombor ki Kynthei bad kan buddien ruh ia kiwei ki case bala shem katba dang iaid ka jingtohkit.
Ki kam ban tohkit da ka CBI ki dei kiba hap hapoh ki kyndon jong ka Scheduled Caste bad ka Scheduled Tribes (Prevention of Atrocities) Act, 1989. Ia kine ki case lah ban tohkit da ki Ophisar kiba bat ia ka kyrdan Deputy Superintendent of Police.
Ki don arngut ki Additional Superintendents of Police bad hynriew ngut ki Deputy Superintendents of Police ha kane ka kynhun ki 53 ngut kiban khlieh ia ka jingtohkit.
Ha u bnai Jylliew, ha ryngkat ki stad leh forensic, ki Heh ka CBI kila leit iuhkjat ha kylleng ki jaka hapoh ka Jylla haba iadei bad ki hynriew tylli ki kam iaumsnam. Kine ki Heh CBI kila leit iuhkjat ha Pangei Police Training School; Naoremthong marjan ka NG College ha Imphal, bad Churachandpur district kaba la jia ka jingshah tuh ki tiar siat bad ki kuli na ki jaka buh tiar jong ki Pulit.
Ka CBI kala shimti ban tohkit ia kane ka jingjia ha Manipur halor ka jingkyrpad na kaSorkar Jylla hadien ba u Myntri kam pohiing ka Jylla Amit Shah, ha ka por ba u wan sha Manipur, ula pynbna ba ka CBI kan sa pynlong ia ka jingtohkit.
Pule ruh: Plie u CM ia ka karkhana pynmih sboh marrep ha Mawphlang
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
 kala thaw ia ka kynhun ba 53 ngut ki Ophisar ki ban tohkit ia kiba bun ki jingjia kiba iadei bad ki kam iaumsnam ha Jylla Manipur.){kind=link}