Shillong, Iaiong 27: Ha ka jingpyni ia ka jingiatylli bad ka jingsngewlem, ka Shillong Citizen Forum (SCF) ka la pynlong ia ka jingthang mombati ha ka sngi U Blei ha Khyndai Lad, hadien ka jingshah hiar thma ki riew paidbah ha ki lehnoh ha Pahalgam, Kashmir, kaba la shim ia ka jingim jong ki 28ngut ki briew.
Kane ka jingiathang mombati ka la long hakhmat ka iingdorbar thaw ain ba rim, Shillong.
Ka SCF ka la khot ruh ban khang khyrdep ia ki dukan bad ki jaka khaii ha kylleng ka Greater Shillong lashai ka sngi Nyngkong ban pynpaw ia ka jingpyrshah ia katei ka jingthombor bad ban burom ia ki lanot.
Ka forum ka la kyntu ia ki nongshong shnong ba kin iashim bynta da ka jingsuk bad ban ieng tylli kawei pyrshah ia ki kam thombor bad ki kam pyntriem.
Da ki spah ngut ki nongshong shnong na kylleng ka nongbah Shillong, khlem da niew jaidbynriew ne kynhun, ki la ïawan lang ban thang ïa ki mombati bad ban pyndem ha ki jingduwai na ka bynta ki jingim jong ki lui lui kiba la iap ha katei ka jingshah thombor.
Ki jingpyrta “Ka hok na ka bynta ki lanot” ha Khyndailad kala sawa jam bad ki nongshong shnong kiba ieng tylli kawei, kila pynrem ia ki kam lehnoh bad ki khot ia ka jingsuk. Bun ki la rah ia ki placard kiba don ia ki khubor jong ka jingkyrmen, ka jinglah ban ialeh pyrshah bad ka jingdonkam ia ki lad ki lynti kiba kham khlain ban pynthikna ia ka jingshngain jong ka ri.
“Ngi la ia lum lang hangne ym tang ban sngewsih, hynrei ban phah ia ka khubor kaba shai ba ki kam lehnoh kin ym pynrit mynsiem ia ngi,” ong uwei na ki nongpyniaid ia katei ka jingialang.
 ka la pynlong ia ka jingthang mombati ha ka sngi U Blei ha Khyndai Lad, hadien ka jingshah hiar thma ki riew paidbah ha ki lehnoh ha Pahalgam, Kashmir, kaba la shim ia ka jingim jong ki 28ngut ki briew.){kind=link}