Shillong, Rymphang 25 : Ka Hynñiewtrep Youth’ Council (HYC) ka la thang ïa ka dur bula u national secretary barim ka BJP uba dei ruh u nongïalam ka RSS Sunil Deodhar ha ka sngi Balang ha bar ka ophis ka BJP ha Shillong da kaba pynrem ïa ki jingkren jong u dang shen kum ka jingthmu kaba shyrkhei ban pynïapait iapra ïa ki jaidbynriew jong ka Jylla Meghalaya.
“Ka jingkren jong u Sunil Deodhar kam dei ei ei hynrei ka dei ka bih sain pyrthei kaba thmu ban phiah ïa ka jingim suk imsain jong ki briew kiba bud ïa ki jingngeit bapher bapher ha Meghalaya bad ka HYC kan nym ailad ia kum kine ki jingkren kiba shyrkhei ban rung ha ka ri jong ngi,” ong u president ka HYC u Roykupar Synrem ha ka kyrwoh.
U Bah Synrem u la pynrem ia kaei kaba u la khot ka jingkren “bym don jingkitkhlieh, kiba ïalam bakla bad kaba pynïapher” kiba kynnoh ba la lehbeiñ ïa ki nongbud niam jong ki trai ri trai muluk, da kaba kynthoh ba ki long kiba bakla bad kiba thmu ban pynmih ïa ka jingïakynad ha ka jaitbynriew.
U la ong, ha Meghalaya ka jingngeit ki trai ri trai muluk hapdeng ki Khasi Jaintia ka long kaba kongsan bha ha ka jinglong kyrpang bad ban pyni ïa ki nongbud jong ka kum kiba shah pynshitom beiñ “ka long ka jingpynkylla kaba khraw… bad ka jingpynjah burom ïa ki paidbah jong ka Jylla baroh kawei.”
Ka jingkren u Deodhar, u president ka HYC u la ong, ka long kum ka “jingkren saiñ hima sima kaba da thmu ban wanrah ia ka jingpynïapher ïa ki jaidbynriew” bad ka jingtuklar ia ki kam imlang sahlang bad ka kolshor.
“Ngi dawa na u Sunil Deodhar ban weng noh mardor ïa ka jingkren jong u bad ban panmab paidbah khlem jingeh na ki jaidbynriew trai ri trai muluk jong ka Jylla Meghalaya.”
U president ka HYC u la kyntu ïa ki nongïalam ka RSS bad BJP ban teh lakam ïa ki nongïalam jong ki, da kaba maham, “Ka Meghalaya kam dei ka jaka test na ka bynta ki jingpyrshang paidbah… Kano kano ka jingpyrshang ban pynïapher ïa ki briew jong ngi ha ka niam yn ïakynduh da ka bor ba pura jong ka HYC bad ka imlang sahlang baroh kawei.”
Ki dkhot ki la pyrta slogan pyrshah ia ka BJP bad ka RSS ha kane ka jingiakhih.
 ka la thang ïa ka dur bula u national secretary barim ka BJP uba dei ruh u nongïalam ka RSS Sunil Deodhar ha ka sngi Balang ha bar ka ophis ka BJP ha Shillong da kaba pynrem ïa ki jingkren jong u dang shen kum ka jingthmu kaba shyrkhei ban pynïapait iapra ïa ki jaidbynriew jong ka Jylla Meghalaya.){kind=link}