Tura, Jymmang 01 : Ki riew runar ki bym lah ban ithuh, kila thang dusmon ia artylli ki trok dumper hynne ka step phyrngap hapoh sor Tura.
Kane ka jingjia kala jia hapoh ka Tura Dumpyard jong ka komani ARSS Construction kaba don ha Bokmagre, ong ka khubor Pulit.
Lah iathuh ba kawei ka trok kala julor klai bha ha kane ka jingjia bad kawei pat kam da jur than ka jingjot.
Kane ka jingjia kala jia ruh tang da ki sngi hadien ki jingtynrah briew ki kali dumper ha sor Tura ha kine ki khyndiat sngi bala leit noh, kaba la pynbitar ia ki kynhun bapher bapher.
Ki Pulit kila register case halor kane ka jingjia bad ka jingtohkit mynta kala iaid shakhmat.
