Jowai, Iaiong 30 : Ki riew runar ki bym lah satia ban tip ki dei kiei, kila wiang ding ia artylli ki kali jong ki Pulit hynne ka step phyrngap sngi Ba-ar, kiba pynieng ha phyllaw ka Police Reserve, Jowai.
Kine ki kali ki kynthup ia kawei ka bos Pulit bad kawei ka Maruti Gypsy shimet (private) kaba dei jong uwei u Pulit ba niah kali hapoh ka Tnad.
Kat kum ka khubor Pulit, la iathuh ba kane ka jingjia kala jia ha ka por kumba 2 baje eiei mynstep.
Ha kane ka jingjia, ka maruti gypsy kala iingkhong khait ha ka jingklang jong ka ding katba ka bos kala shu ing malu mala na ki bynta ba shakhmat jong ka kali.
Ki Pulit ki suba jur ba ki runar kila kawang da ki petrol bomb ia kine ki kali.
Ki Pulit kila register case halor kane ka jingjia bad ka jingtohkit mynta kala iaid shakhmat ban lapdien ia ki briew kiba donkti.
