Shillong Nohprah 28: Lai tylli ki kali kila ingkhong khait ha ka jingshah wiang ding ha ki riewrunar, ha ka stei Sngi u Blei, hapoh ka shnong Umkor, Pynursla, East Khasi Hills.
Katkum ki khubor, la iathuh ba kitei ki kali ki dei kiba pynieng ha kawei ka jaka pynieng kali kaba rit kaba don ha ka shnong Umkor.
La iathuh ba ki runar kiba don kumba arngut eiei, kila leit wiang ding ia kawei ka kali kaba dei jong u Bah Hertik Talang hynrei namar ka jingklang ki thylliej ding, ka ding kala pur sha ki artylli kiwei pat ki kali kiba pynieng lang marjan.
La pyntip ba u Bah Hertik ula leit ban ujor da ka ejahar halor kane ka jingjia ha Pynursla Police Station pyrshah ia ki arngut ki briew kiba u suba jur ba ki donkti ban leh ia kane ka kam bymman.
Ula pyntip ruh ba kane ka jingsuba kala mih namar hashuwa katei ka jingjia, u Bah Hertik ula poi iakynroi bad kine ki arngut ki briew.
Ki Pulit kila register case halor kane ka ejahar bad ka jingtohkit mynta kala iaid shakhmat. Ki Pulit kila pynlong ruh ia ka jingthwet kaba jur ia kine ki arngut ki briew ba suba donkti.
