Shillong, Rymphang 06: U National President ka National People’s Party (NPP) Conrad K Sangma, hynne ka sngi nyngkong, ula thalain tyngeh ia ka Bharatiya Janata Party (BJP) halor ka jingkam ba ka skhim FOCUS bad FOCUS+ ka dei ka skhim ka sorkar Pdeng.
Ula kyntu ia ka BJP ba kam dei ban pyn sngewthuh bakla ia ki paidbah na ki rynsan ialap elekshon da kaba ong ba ka FOCUS bad FOCUS + ka dei ka skhim ka Sorkar Pdeng.
U Conrad ula kren ia kane ha ka jingialang ialap elekshon ha Machangpani kaba hap hapoh ka Dalu Constituency, ban pan jingkyrshan ia u kyrtong ka Party u Brening A Sangma, u ban iakhun ha kane ka elekshon MLA-2023 ban iakhun la 27 tarik Rymphang.
At Machangpani under 57- Dalu Constituency to drum up support for our candidate Brening A Sangma.
Political wind for 2023 is sweeping the entire State, the voice of the people is clear and NPP is heading for absolute majority!
Let us vote for the NPP. #StrongerTogether pic.twitter.com/mUtoy9RtRo
— Conrad K Sangma (@SangmaConrad) February 6, 2023
Haba kren ha ka jingialang, ula kyntu ia ka BJP ym ban iaid ialap ha ka ban pynsngewthuh bakla ia ki paidbah ha Ri-lum Garo da kaba ong ia ki paidbah ba ka skhim FOCUS bad FOCUS + ka dei kaba wan na ka Sorkar Pdeng.
Ula pyntip ba ka PM Kisan ka dei ka prokram kaba iapher bad ka dei ka bym lah ban pyntreikam ha Jylla namar ba bun ki Nongrep kim don iala ki jong ki jaka hapoh ka Jylla.
Ula ong ba ka BJP kam don lynti pat da kumwei ne ka ishu ban kynthoh pyrshah ia ka NPP bad dei namar kane kala iaid da kane ka buit poh.
U Conrad ula ong ba ka BJP kan ym lah ban thaw pyrthei ha kane ka elekshon ban wan namar ka party kan nym jop wat ia 2 tylli ki constituency. Kiba bun ki BJP kynthup u MDC Dhormonath Sangma mynta kila wan ban pyniasoh sha ka NPP.
Ula ong ruh ba ka lyer jong ka NPP kala beh ha baroh kawei ka Jylla bad ki paidbah kim dei ban pynsepei kai ia ki vote ha kiwei pat ki Political Party bad ban vote ia ka NPP.
“Ka Lyer elekshon 2023 kala beh ha baroh kawei ka Jylla, ka sur u paidbah ka long shai bha ba ka NPP kan poi sha ka absolute majority (ban tam mar shiteng ia ka jingdon ki MLA ha Jylla).
