Shillong, Lber 28 : Ka Shillong Press Club (SPC) ha ka sngi Palei, kala ther ia u President ka VPP bad MLA ka Nongkren Ardent Miller Basaiawmoit halor ka jingkynthoh pynjah burom ia ka burom ka ijot jong ki Nongthoh khubor ka Jylla khamtam kiba don ha Ri-lum Khasi Jaintia.
“U Basaiawmoit ula shu kynthoh pathar khlem ki nongrim bad ki sakhi kiba biang kiba ktah ia ka jingtrei hok jong baroh ki Working Journalist (nongthoh khubor) kiba la kitkhia ia ka kam wat hapdeng ki jingeh, ki jingduna bad ki jingtynjuh bad kila pyrshang katba lah ban trei ia ka kam thoh khubor ban kyrshan ia ka jinglaitluid ban kren bad pynpaw kumba la pruid dak da ka Riti Synshar ka Ri” ong u Bah David Laitphlang, President ka SPC ha ka kyrwoh.
U Bah David ula ong ba kane kam dei ka sien kaba nyngkong ba u Ardent ula kren tohmet ia kaba u tip kham bha ma u ia ki daw, ia kino kino ki briew ki ba pynpaw ia ka jing bym sngew iahap bad ka pyrkhat, ka pyrdain, ka jinglong bad ka jingkren jong u.
“Ka Shillong Press Club ka pynrem ia kane ka jingle riewkhlaw jong une u briew ia uba ngi ngeit ba u dei uba don ka kyrdan ha ka imlang sahlang. Namar kata, kan bha shibun eh ia u ban shu ‘boycott’ ia ki lad pathai khubor khnang ba un nym buh ialade bad ia ka Party (VPP) ha ka jinglong jingman ka bym sngewtynnad ha ka jingpyrshang ban shakri ia ka bha ka miat ki paidbah ka Meghalaya” ong u Bah David.
“Ban dawa panmap na kum une u riewstad kan dei tang ka jingpynsyrwa kai ia ka por bad ka pyrkhat pyrdain bad kumta, ka Shillong Press Club ka ieh ha ka jingstad jong ki nongpule bad ki nongpeit khubor ba kin rai mano, mynno, kumno bad hangno ba ngi ki leh ia kaba bakla” ula ong.
“Ban pynrem ia kaei kaba tei ka dei kaba ngi pdiang sngewbha namar ka iarap ia baroh ban pynbha ialade, hynrei ban shu hylla da ka jingsngewskhem halor ki kam ba um tip, ka dei ka lynti kaba bakla ban shakri ia ki para briew. Haba kut, ngi hap kynmaw ba ngim dei ban bishar bym hok iano iano ruh, namar baroh ngin sa shah bihar ha kawei ka sngi” ula bynrap.
 ha ka sngi Palei, kala ther ia u President ka VPP bad MLA ka Nongkren Ardent Miller Basaiawmoit halor ka jingkynthoh pynjah burom ia ka burom ka ijot jong ki Nongthoh khubor ka Jylla khamtam kiba don ha Ri-lum Khasi Jaintia.){kind=link}