Shillong, Lber 14: U Myntri Rangbah ka Jylla u Conrad K Sangma hynnin ka sngi u la ong ba ka jinglong jingman jong ka suk ka sain ha ka Jylla baroh kawei ka long kaba bit ba biang.
Haba jubab ia ka jingkylli halor ka jingshah thang ka kali ha Nongmensong, bad ka jingshah kawang petrol bom kawei ka kali ha NF Railway Officers, u Myntri Rangbah u la ong ba ki jingjia ba man ka por ki don hynrei ia kita, ka Sorkar lyngba ki Bor District ka sa peit bniah.
“Lait na kita ki jingjia, ka jinglong jingman baroh kawei ka long kaba la lah ban tehlakam bha. Kumta ym don ei ei ban khuslai kum kata,” u la ong haba pynthikna ba ka Sorkar kan dang buddien ïa kiei kiei ban pynthikna ba ka jinglong jingman kan dang don hapoh ka jingpynïaid.
Lah ban kdew ba haka step 12 tarik, kawei ka kali Sorkar ka la shah thang ha ki riew sniew ha Nongmensong katab kawei ka kali kala shah kawang petrol bom haki thaiñ Lumshatsngi.
