spot_img

Teh kyndon thymmai ka Sorkar ia ki kali kamai ha Jylla ban shngain ki nongleit nongwan

Date:

Share post:

Shillong, Naitung 15 : Ka Sorkar Jylla kala rai ban pyntreikam ia ka buit thymmai da ka jingthmu ban nang wanrah shuh shuh ia ka jingshngain bad jingiada ia ki nongleit nongwan hapoh bad kiba wan sha ka Jylla.

Namar kata, baroh ki trai jong ki kali kamai kin hap ban buh/tah ia ki jingtip kiba donkam shaphang ki nongniah kali jong ki, kynthup ka jingtip ba bniah halor ka licence, ka kyrteng, jaka sah bad ki jingtip ba lah ban iakynduh ia ki.

Ia kane la pynbna da u Nongaiktien ka Sorkar MDA bad Myntri ka Tnad Jngohkai Bah Paul Lyngdoh hadien ka jingialang bala pyniaid da u Symbud Myntri Rangbah ka Tnad Transport Bah Sniawbhalang Dhar ha Secretariat, ha ka sngi Ba-ar.

Ka jingthmu ba hakhmat eh jong kane ka buit treikam ka longban pynduna ia ki jingma jong ki kam runar bala leh da kaba pyndonkam ia ki kali kamai bad ban nang wanrah shuh shuh ia ka jingsngew shngain hapdeng ki nongleit nongwan. Da kaba tip mano ba niah ia ka kali ba ki shong, ki passenger kin kham sngew shngain, ong u Bah Paul haba iakren bad ki nongthoh khubor.

U bynrap ba kane ka rule kan treikam ia baroh ki kali kamai ha Meghalaya ba kynthup ia ki kali kiba la ioh permit na ka Tnad Transport lyngba ki Distrist Transport Officer (DTO). Hynrei, kan ym treikam ia ki kali ba long trai da ki riew shimet, ki kali Sorkar bad ki kali ba long trai da ki Corporation bad Undertaking ka Sorkar.

Shisien bala pynmih ia ka jingpynbna halor kane, ki trai jong ki kali kamai kin ioh por shibnai ban pyn treikam ia kane ka jingteh kyndon ba thymmai, ula ong bad bynrap ba kane ka sienjam la khmih lynti ba kan nang wanrah shuh shuh ia ka jingsngew shngain ha Meghalaya, khamtam da ka jingnang kiew ka jingwan ki nongshangkai pyrthei.

Ki kali kamai ki kynthup ia ki Local Taxi, ki kali kamai Tourist, ki Bos, ki Sumo.

Share post:

spot_img
spot_img

Popular

More like this
Related

Ioh tam ki Pulit ia ka met u Ophisar ka Agriculture narum ka Kshaid Pelga

Tura, Nailar 06 : Ki Pulit SRT, ha ka...

Palat 40 ngut ki nongshong dukan madan kin dang ban ioh ia ki CoV

Shillong, Nailar 06 : Palat 30-40 ngut ki nongshong...

Fake Cop allegedly took ₹1,000 each from non-tribals to enter Meghalaya; KSU demands probe

Shillong, Aug 6: The Khasi Students' Union (KSU), Umiam...