Shillong, Naitung 28 : Ki Pulit ha ka step sngi Nyngkong, kila iohtam ia ka metiap jong u rangbah briew kaba la per ha sla jong ka pung, kaba la tip kum ka pung Umjynkynrud, kaba don ha khlaw Mawpat.
Kat kum ka khubor Pulit, ia kane ka met la lap nyngkong da uwei u briew uba ju leit sait kali ha ka por 9 baje mynstep.
Ki Pulit ki la lap ia ki slipar bad ka jaket jong une u rangbah kaba don harud jong kane ka pung. La iathuh ba ia une u briew la ju ithuh bad tip da ka kyrteng sin kum u Bahep ba na ka shnong Langkyrding Mihngi.
Ki Pulit ka Forensic Crime Scene Unit, kila hiar sha kane ka jaka ban lum ia ki sabut hashuwa ban pynkit ia ka met sha ka jaka buh metiap ha Civil Hospital, ban pyndep ia ka post mortem.
Ka jingtohkit ia kane ka jingjia kala iaid shakhmat.
