Shillong, Rymphang 09: U Symbud Myntri Rangbah ka Jylla bad MLA ka Nartiang constituency bah Sniawbhalang Dhar ha ka sngi Nyngkong, u la noh synniang daka song pisa ba T.8 lak sha ka Balang Presbyterian Moorathud.
Ka jingnoh synniang ka thmu ban pynskhem ia ka jingpyrshang jong ka Balang ha ka ban kyntiew bad ki kam pyniadei bad pyniajan ha ka imlang sahlang.
Haba kren haka program, u Bah Sniawbhalang u la ban jur ia ka jingkular jong u ban kyrshan ia ki shlem ai jinghikai kiba trei na ka bynta ka jingbha jong ka imlang sahlang.
“Kane ka jingsynniang ka long ka jingpynshisha ia ka jingaiti jong nga ban pynroi ia ka jingiatylli, ka jingieid, bad ka jingiadei ba iajan hapdeng ki paidbah” la ong u Bah Sniawbhalang.
Ki nongmihkhmat jong ka Balang ki la pynpaw ka jingsngewnguh na ka bynta ka jingkyrshan kaba biang por bad kaba donkam bha. “Ngi sngewnguh ia ka jingaiei bad jingaiti jong u MLA u Bah Sniawbhalang na ka bynta ka bha ka miat jong ka imlang sahlang jong ngi” ki la ong.
La khmih lynti ba ka song pisa kan iarap ia ki projek pynroi bapher bapher jong ka imlang sahlang, kaba ai jingmyntoi ia ka Balang bad ia ka imlang sahlang.
