Gangtok, Jylliew 16: Ka umsaw ba shyrkhei bha, kala syllad iaka North Sikkim District bad kala taplup shisyndon ia ka surok National Highway-10 ha Pegong hynne ka sngi Thohdieng.
Kane kala wan jia hadien ka jingther u lapbah ha North Sikkim hynnin baroh shimiet, kaba la pynheh lut ia ki wahduid bad ki nala.
Ki Heh Sorkar ki pyntip ba ki jaka kum ka Lachen bad Lachung ha North Sikkim kila dkut syndon ha ka lad pyniasoh bad ki wei pat ki bynta jong ka Jylla namar kane ka umsaw.
Ki pyntip ruh ba kane ka umsaw kala pynjulor ruh ia bun ki jingtei ba don markhap ka Highway, kaba la buh haka jingbym shngain ia ka leit ka wan jong ki kali.
Mynta, ki bor Sorkar kila peitngor bha bad ka Border Roads Organisation ruh kala trei khlem shongthait ban pynkhuid ia ki niut ki nier bala wanrah daka umsaw.
Pule lang ia kane: Syllad ka jingshlei um ha Assam, shah ktah jur palat 29000 ngut ha ki 3 tylli ki District
