spot_img

Syllad ka jingshlei um bad jingtwa khyndew ha Garo, iap 4 ngut ki briew

Date:

Share post:

Shillong, Jylliew 17: Ka South Garo Hills kala mad ia ka jingshlei um ba shyrkhei bha na ka jingkiew jong ka Wah Simsang bad hynne ka sngi thohdieng, haduh saw ngut ki briew kila iap na ka jingshlei jong kane ka wah bad ka jingtwa khyndew ha ka District.

Kat kum ka khubor ba ioh lum la iathuh ba laingut ki dei na kajuh ka Longiing ba kynthup ia ki shikurim bad i Khun kila iap jyllop ha ka shnong Bolsalgre. La iathuh ba ka iing jong kine ki briew kaba dei ka iing shongwai, kala shah rong ha kane ka wah.

Kine kiba iap ki kyrteng u Tengkam A Sangma ba 31 snem, ka Gamchia CH Sangma ba 20 snem bad u Rangkim Ch Sangma ba dang 4 snem.

Ka Wah Simsang kala rung mynta sha ki shnong ki thaw ha Baghmara bad ka jingkiew jong ka Um kala poi sha u pud ka jingma ia ki paidbah kiba la hap kynriah sha ki jaka lum.

Ha kawei pat ka jingjia, la iathuh ba don sa kawei ka briew kaba iap na ka jingtwa khyndew ha Siju, South Garo Hills bad ia kane ka briew la tip kyrteng da ka Kasinchi R Marak kurim jong u Tengan M Sangma ba na Siju Rongbokgittim.

Ka umsaw jong kane ka wah kala pyndkut ruh ia ka leit ka wan jong ki paidbah ha ka surok National Highway-62 bad pyntwa ia ki surok ha kiba bun ki jaka jong ka District.

Artylli ki jingkieng ba kongsan ha ha South Garo Hills District kila shah rong ha ka Wah Simsang ba kynthup ia ka Jingkieng ha Karukol bad ha Rongdik. Nalor kane, kawei ka jingkieng kala shah rong ha Rongara bad kumjuh ruh ka jingkieng ba sdien (suspension) ha Mahadeo.

Ha East Garo Hills, ka Wah Simsang kala rung shaduh ki shnong ki thaw ka Williamnagar bad khlong ia kiba bun ki jaka ha kane ka District na ka jingiaid lynti ka umsaw.

Hangne ruh ka wah kala kiew sha u pud jong ka jingma hynrei kat haduh ba thoh ia kane ka khubor, ym pat shym la ioh jingtip ia ka jingdon kino kino ki jingjia kiba sngewsih.

Share post:

spot_img
spot_img

Popular

More like this
Related

Kyntu ki Tour Operator ia ka AKMTTA ban sangeh ka khang ia ki kali tourist na Assam

Shillong, Nailur 17 : Ka Tour Operator Association of...

Kem ki Pulit ia u Khynnah 13 snem halor ka jingiap I Khynnah ha Nongrah

Shillong, Nailur 17 : Ki Pulit ka East Khasi...

Shimti u President ka UDP ia ka shuki Myntri ha ka Sorkar MDA-II

Shillong Nailur 17: U Nongialam jong ka seng United...

Pynbna ka MCA ia ka thup ki nongialehkai U-19 ban leit sha ki lympung BCCI 2025-2026

Shillong, Nailur 17: Ka Meghalaya Cricket Association ka la...