Nongpoh, Nailur 18 : Haduh 10 tylli ki sniang, kiba la ri hapoh kawei ka jaka ri sniang bala peit la khmih da ka Nangku Chaphrang Multipurpose Co-operative Society Ltd ha shnong Saiden, ki la iap yndet syndet khlem da tip na kawei ka daw ba ki iap.
Katei ka jingiap jong kitei ki sniang kiba la ri ha katei ka jaka, ka dei kaba la jia ha ka sngi Nyngkong ka taiew ba la dep, ha kaba katkum ka jingiathuh jong kiba peit hapoh katei ka jaka ri sniang, la ong ba baduh katei ka sngi bad haduh mynta ka jingiap ki sniang ka iai bteng beit man ka sngi.
Ki briew kiba peit ha katei ka jaka, tang mar ia iohi ia ka jingiap jong kitei ki sniang, ki la pyntip sha ki briew ka tnat Veterinary Nongpoh khnang ba ki leit leh ia kaba donkam bad ban pyllait na ka jingiap ia kiwei pat ki sniang kiba don hapoh katei ka jaka ri sniang.
Haba kylli, kila ong ba ha kaba nyngkong, ki sniang ki la shu kem pang shit, hadien kata pat ki sangeh noh ha ka ban bam ne dih um bad kham hadien pat kitei ki sniang ki la shu iap noh hi.
Haba iadei bad ka jingiap sniang ha katei ka jaka, na ka liang ki heh ka tnat Veterinary, ki la phah ia ki briew ba ki leit leh Post Mortem, khnang ban lap ia ka daw jong ka jingiap kitei ki sniang.
Kat haduh ba pynmih ia kane ka khubor, ym pat lah ban tip ia ka daw jong ka jingiap kitei ki sniang bad ba ki iap na kaei ka jingpang, namar ia ka kaiphod ym pat ioh.
Pule lang ia kane: Dawa ka KSU ban weng mardor ia ka ktem BSF na East Jaintia Hills
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
