Nongpoh, Jymmang 09: Haduh 7 tylli ki dukan la suba ba kila shah wiang ding ha ki riew runar hynne ka step phyrngap sngi ba-ar ha Nongpoh.
Kine ki dukan ki don ha artylli ki jaka-san tylli ki don hapoh ka Nongpoh town shopping complex bad artylli hakhmat ka Meghalaya Cooperative Apex Bank (MCAB).
Kat kum ka jingiathuh ki nongsakhi, ia ka ding la lah ban tehlakam da ki Central Reserve Police Force (CRPF) kiba ap pahara ha ka thain.
Haba iakren bad ki nongthoh khubor, ki trai dukan kila pynpaw ia ka jingbynniaw kaba jur namar ka jingduhnong kala kot da ki phew lak tyngka. Kila rai ban leit ujor sha Nongpoh Police Station halor kane ka jingjia.
Kila kyrpad ia ka tnad Pulit ban pynlong ia ka jingtohkit kaba bniah ban lapdien ia ki briew kiba donkti.
Haba kylli la ki kor CCTV ka ATM ka MCAb ki ioh ring dur ne em ia ka jingjia, ka jubab ka long ba ki khlem treikam namar ka jinglip ka bording elektrik.
