Nongstoin, K’lyngkot 16 : Uwei u rangbah uba la tip kyrteng kum u Udai M Sangma, la suba ba ula shah pyniap dusmon ha ki riew runar ha kawei ka khlaw kaba don hapdeng ka shnong Mendima bad ka Rongbu.
Une u rangbah bala 31 snem, u dei na ka shnong Rongkhuggre Chahlang hynrei uba shong kurim ha Rongjeng.
Kat kum ka khubor Pulit la iathuh ba utei u rangbah u dei uba ju ñiah ïa ka Kali alto bad iathuh ba ha ka sngi Saitjain, ki don kumba 3 ngut ki briew kiba phah leit buh ïa utei u rangbah sha ki thaiñ Rongbu ha ka dor kaba 5 hajar duna.
Hynrei la pyntip ba ha ka step sngi Nyngkong, la lap noh ia ka metiap jong une u rangbah ha kane ka khlaw ia kaba la suba jur ba ula shah pyniap.
Ki Pulit kila register case halor kane ka jingjia bad ka jingtohkit mynta kala iaid shakhmat.
