SHILLONG, Risaw 05: Ki pulit ka Pasteur Best House haka janmiet jong ka 4 tarik, kila ioh tam ia kawei metiap jong ka samla lud na khlaw Dongktieh Mawlai Mawroh ka ba don mar pyrshah ka Police Training School (PTS).
Kane ka samla kaba ym pat tip kyrteng ka dei kaba dang hapoh 25 snem ka rta bad la suba jur ba ka lah shah leh beijot shuwa ban shah pyniap.
la ka metiap la lap nyngkong da ki briew ba iaid lynti na kane ka khlaw kiba thmu ruh ban leit kheit jhur khlaw.
Kine kj briew kila pyntip noh ia kane ka jingjia sha ki pulit bad haka por 5 baje duna janmiet ki pulit kila wanpoi sha kane ka jaka ban leh iaka ba donkam.
Ki pulit kiba la ialam ruh ryngkat ki ksew ban sma iaka jaka ba lap ia kane ka metiap, kila ker kut ia kane ka khlaw ban lum ia ki sakhi sabut na ka bynta ban pynlong ia ka jingtohkit.
Ki pulit kila pynkit noh ia kane ka metiap ha ka por 8 baje myniet sha NEIGRIHMS naka bynta ban leh iaka ba donkam katkum ki kyndon ka ain.
Haba pyrshang ban kylli iaka kyrteng bad ka jaka sah jong kane ka lanot, naka liang ki bor pulit kim pat lah ban tip bniah bad haduh mynta ki dang pynlong iaka jingtohkit.
