Shillong, Jylliew 21: Ka Maw U-Tieng SC kala sdang iaka jingiakhun hapoh ka Shillong Sports Association Women’s League 2023 daka ba pylliem 5-0 iaka Synroplang 77 haka jingialehkai phutbol bala pynlong ha Madan Turf Third Ground, Polo.
Haka jingialehkai ba nyngkong jong ka Group A hapdeng ka Kick Start Football Coaching Centre pyrshah iaka Lawei Smit SC hynrei kane ka jingialehkai kala poi shaka jingiakhaid hadien ba baroh 2 tylli ki kynhun kim shym la lah ban thep Goal.
Ka jingialehkai hapdeng ka Kick Start Football Coaching Centre pyrshah iaka Lawei Smit SC ka long kaba itynnad bad naka liang ka Ionaris Khongsit jong ka Lawei kala jan ioh ban pynkhih jar hynrei naka liang ka Goalkeeper jong ka Kick Start Football Coaching Centre ka Patricia Lyngdoh Nonglait ka la lah ban iada.
Haka jingiakhun hapdeng ka Synroplang 77 pyrshah iaka Maw U-Tieng jong ka Group B fixture, ka J Narlong jong ka Maw U-Tieng kala ioh ban thep hat-trick haka minit ba 12’, 19’, 36’ katba ka R Dkhar kala ioh ban thep haka minit ba 48 bad ka D Syngkli haka minit ba 61.
Haka 22 tarik ka jingiakhun kan dei hapdeng ka Umpling SC v PFR Football Academy haka por 2:30pm bad ka Mawkriah West SC v Laitkor SC haka por 4:15pm.
