Shillong, Jylliew 22: Ka kynhun PFR Academy bad ka Laitkor SC napoh ka Group A hynne ka sngi kila ioh khur jingjop haka jingialehkai Shillong Sports Association’s (SSA) Women’s League bala pynlong ha MFA Turf at Third Ground, Polo.
Naka liang ka PFR kala khur jingjop da 7-0 pyrshah ia ka Umpling katba ka Laitkor kala jop haduh 16-0 pyrshah iaka Mawkriah West.
Ka jingtbit ialehkai ka Laitkor kala buh jingeh iaka Mawkriah wat ban ioh Bol bad dei tang hadien katto katne minit ka Laitkor kaba wan ba-ar ha u snem 2022 kala ioh ban pynkhih jar nyngkong.
Dei tang hapoh 10 minit ka Laitkor kala ioh ban thep Goal nyngkong lyngba ka Plenty bad haka jingshisha ka Laitkor kala dei ban ioh thep bun Goal hynrei namar ka jingtbit ka nongap goal ka Ridalin Kharkongor, kala lah ban khanglad ban shah thep bun Goal.
Kadei ka sngi ba khraw iaka Nisilia Majaw kaba la thep haduh 6 goal bad iaki Goal kala thep haka minit ba 35′, 41′, 42′, 59′, 63′, 64′, bad naka liang ka Tracy Rympei ruh kala ioh thep Hat-trick hadien ka jingioh thep Goal haka minit ba 10′, 19′, 29′ bad ka Iaraplang Nongrum ruh kala ioh ban thep Hat-trick haka minit ba 25′, 68′, 69′, 70′, 70’+2 bad ka Iawanlang Nongbet haka minit ba 22 katba ka Ibakordor Wahlang haka 34′.
Kane kadei ka jingjop ba arsien iaka Laitkor’s bad kumjuh ruh ka PFR hadien ka jingthep hat-trick daka J Lyngdoh haka minit ba 20′, 25′, 46′ bad ka B Kharsyntiew haka minit ba 19′, 70 bad ka D Khongwet haka minit ba 21 katba ka R Suting haka 51.
Haka 23 tarik mynta u bnai ka jingiakhun kadei hapdeng ka Mawlai SC v Kharang SC haka por 2:30pm bad ka Iasnohktilang FC v Lumparing SC haka por 4:15pm.
Pule lang ia kane: Assam : Shah ktah palat 1-2 lak ki nongshongshnong ha ka jingshlei um ha ki 10 District
