Shillong, Nohprah 05 : Ka Mawlynrei ka la ioh ban khur ia ka lai point ba nyngkong hadien ka jingpynliem ia ka Laitkyrhong da 2-0 kol ha ka jingiakhun Group B, jong ka lympung SSA Champions Cup 2025, ba long hynne ka sngi ha SSA Stadium, Polo.
Ia kine ki artylli ki kol, ka Mawlynrei ka la ioh ba kan thep lyngba u Alem Khongwir (33′) bad u Kerryland Mawlong (83′).
Da kane ka result, la pynskhem ba ka Shillong Lajong FC bad ka Nongkseh SS&CC ki la jam shakhmat sha ka semifinal ha kane ka lympung.
Ha kane a Group, lai tylli ki kynhun ki la ioh ban khur mar lai point katta ka Laitkyrhong, Mawkriah West bad Mawlynrei bad ka jingialehkai ba khatduh na kane ka thup kan dei lashai ka sngi, ha kaba ka Nongkseh SS&CC kan iakhun pyrshah ia ka Mawkriah West.
