spot_img

Sospon ka NEHU ia u Asst Sports Director ba thmu leh beijot ia ka referee

Date:

Share post:

Shillong, Naiwieng 23: Ka North Eastern Hill University (NEHU) kala weng kam shiporne sospon iala u Assistant Director of Physical Education & Sports, Nantu Das, hadien ka jingkynnoh ba u thmu leh beijot ia kawei ka referee dang shen.

Da ka hukum u Registrar in-charge ka University ba 22 tarik Naiwieng 2023, la ong “U Nantu Das u la dei ban shah sospon naduh ka sngi ba u shah set ha phatok kata ka 19 tarik Naiwieng 2023 kat kum ka Sub-rule (2) of Rule 10 jong ka Central Civil Service (Classification Control and Appeal) Rules, 1965, bad un don hapoh ka jingshah sospon tad haduh da pynmih da kawei pat ka hukum”.

U Nantu Das ula shah kynnoh ba u pyrshang ban leh beijot ia kawei ka referee phutbol hapoh ka Kiang Nongbah Old Guest House myn ha ka sngi U Blei.

Kane ka referee ka dei kaba la kyrpad da ka NEHU ba kan leit synran ia ka kynhun ialehkai phutbol ki kynthei jong ka University, ki ban iashimbynta ha ka Inter-University Tournament ka ban long ha Odisha ha ka taiew ban wan.

Ia u Das la kem ha ka 19 tarik kat kum ka ejahar bala mudui pyrshah ia u bad haduh mynta u dang don hapoh ka kti ki Pulit.

Share post:

spot_img
spot_img

Popular

More like this
Related

Shongshit ka jingiakop jngi ha Thrill Fun Park | Sei ki 76 ngut ia ka sap iajngi ba bun rukom

Shillong, Naitung 07 : Haduh 76 ngut ki nongjngi...

Assam: Sdien phasi ka khynnah skul hadien ba kynnoh jrong kti u Nonghikai

Dibrugarh, Naitung 7: Ha kawei ka case kaba la...

Girl commits suicide after alleged molestation by her teacher in Tinsukia, Assam

Dibrugarh, July 7: A ninth standard girl committed suicide...

Assam | Phai khmat ka Congress ban iatehlok bad kiwei ki seng sha ka elekshon 2026

Guwahati, Naitung 7: U President ka Assam Pradesh Congress...