Shillong, Nailar 21: Ka Khasi Hills Autonomous District Council (KHADC) haka 18 Nailar kala wengkam shipor ia u Paiem Nangtei Sing Syiemiong kum u Syiem ka Hima Langrin.
Ia kane la pyntip da u President ka Seng Samla Hima Langrin samla P. S Lyngdoh uba la iathuh ba iaka mynta, iaki jingdonkam hapoh ka Hima Langrin yn khmih daka KHADC.
Haba kren sha ki lad pathai khubor u samla P. S Lyngdoh ula iathuh ba kane ka jingshim rai ka KHADC ban wengkam shipor ia u Syiem ka Hima Langrin ka dei hadien baka Seng Samla Hima Langrin bad ki khun ki hajar ka Hima kila ujor shaka district council pyrshah ia u Syiem namar ka jingpyndonkam bakla iaka bor.
U samla P. S Lyngdoh ula ong ba ki khun ki hajar ka Hima kila shem ba u Syiem ka Hima ula pyndonkam iaka bor khamtam haba iadei bad ka jingbym beit ka rukum ioh lum khajna bad ka jingbym ryntih ka rukom pyniaid iaki kam hapoh ka Hima nalor kiwei kiwei de.
“Naka liang ka Seng Samla Hima Langrin bad ki khun ki hajar, ngi ai khublei iaka KHADC kaba la sngap iaka jingud jingnam ki khun ka Hima daka ba wengkam shipor ia u Syiem ka Hima Langrin uba la pyndonkam iala ka bor bala bynshet ha u” la ong u samla P. S Lyngdoh.
U samla P. S Lyngdoh ula iathuh ba naka liang ki khun ki hajar ka Hima kila thmu ban pynlong ki jingiakhih pyshah ia u Syiem hynrei ka jingkloi ka KHADC ban wengkam shipor ia u Syiem kala pynhun iaki nong shong shnong ka Hima Langrin baroh kawei.
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
