Shillong, Rymphang 07: U kyrtong ka National People’s Party (NPP) na Mawryngkneng constituency, bah Pyniaid Sing Syiem hynne ka sngi ula ong ba ka jignshah kynnoh bamsap jong ka sorkar synroplang Meghalaya Democratic Alliance (MDA) kan nym ktah satia hapoh ka constituency.
Haba kren hadien ka jingthep kyrteng u bah Pyniaid u badei ruh u MLA bad MDC ka Mawryngkneng ula ong ba ula iaid shaid shaid iaka jingialap elekshon bad ula la thikna ruh ba un poi shaka jingjop ha kane ka elekshon ban wan.
U bah Pyniaid ula kam ruh ba ka jingshah kynnoh bamsap ka sorkar MDA ba ialam daka NPP kan nym ktah ia u ha kane ka ilekshon namar man ka sngi u iakynduh bad u ialap iaki paidbah haba iadei bad ki kam ba ula leh naduh ba ula shah jied kum u nongmihkhmat.
“Kane ka jingkynnoh bamsap kam ktah satia ha Mawryngkneng namar man ka sngi nga mih ban ialap halor ki kam ba bha ka ka sorkar bad nga kum u MLA nga la leh ha kine ki snem bala leit” la ong u bah Pyniaid.
U bah Pyniaid ula kam ba tang hapoh shi snem b aula shah jied kum u MLA ula leh katba lah ban wanrah ki kam pynroi naduh ban pynioh iaki surok, ki lad jingsumar bad ki skhim sam um hapoh ka konstitwensi.
Ula bynrap ba lada u shah jied biang ha kane ka kynti un ialeh katba lah ban wanrah ki lad lynti ban kyntiew ki lad ioh kam ioh jam iaki samla jong ka Mawryngkneng bad ka jylla Meghalaya baroh kawei.
“Ngam bynnud ba nga iasoh ialade bad ka NPP hynrei nga kmen bad nga sngew ba ka NPP ka kham biang ban ia kiwei ki seng sain pyrthei la kidei ki National Party lane ki seng riewlum hapoh Meghalaya” la ong u bah Pyniaid.
