Shillong, Iaiong 25 : U Nongialam ka National People’s Party (NPP) bad Symbud Myntri Rangbah bah Prestone Tynsong hynne ka sngi Ba-ar, ula pynpaw ia ka jingsngew skhem ba ka Party kan jop na Sohiong ha ka elekshon MLA ban long ha ka 10 tarik Jymmang.
“Ka lyer jong u kyrtong jong ngi ka biang bha bad ka jingiakhun hi ka long hapdeng jong ngi bad u kyrtong ka UDP bad I kumba u kyrtong ka Congress ruh hynrei ngi hap ban trei shitom haduh ka 10 tarik Jymmang bad nga thikna ba ngin ioh beit ia ka jingjop” ong u Bah Prestone.
Ka NPP kala pynieng ia u MLA barim Bah Samlin Malngiang kum u kyrtong.
Haba kylli la kan don ka jingkylla ha ka sain pyrthei hadien ka elekshon, u Bah Prestone ula ong “Ngam lah ban iathuh ia fi mynta..Ngin sa iapeit lada don ka jingkylla hapoh ka 6,7 bad 8 tarik Jymmang”.
