Shillong, Naitung 20: U MLA ka seng United Democratic Party (UDP) uba long ruh u dkhot jongka Assembly Committee on Environment, u Bah Mayralborn Syiem, ula pynpaw ia ka jingsngewkhia halor ka jingsniewdur ki wah bad ki wahduid ha ka jylla Meghalaya, da kaba kynnoh ba kadei namar ka jingpom pathar ia ki dieng ki siej bad ka jingbym pyrkhing ia ka jingpyllait ia ki jaboh na ki karkhana.
Haba kren na ka bynta ka committee, u Bah Syiem ula kdew ba kala don ka jingjur ha kaban pynkhyllem ia ki dien bad ka jingbym biang ka rukom shim ia ki sienjam ban pynneh ia ki khlaw ki btap kaba la long ka dawbah bah halor ka jingtyrkhong jong ki tyllong um.
“Ka jingpynjot pynjulor ia ki tyllong um kadei ka jingshisha ia kaba ym lah shuh ban shu kyntait” ula ong.
U Bah Syiem ula pynpaw ba bun ki wah, khamtam eh ha ki jaka jong ka rilum
Jaintia kila mad ia ka jingeh na ka jingshah pynjaboh namar ka jingpyllait ia ki jaboh jabain na ki karkhana.
“Ngi shem ba ki don katto katne ki karkhana kila pyllait beit beit ia ki jaboh jabain ki jongki sha ki wah. Kane kala pynsniew bad pynjaboh ia ki wah bad ia ki tyllong um ki jong ngi” ula ong.
Ula pynshai ba watla um shim la kren kum u nongmihkhmat jong ka sorkar hynrei ka Environment Committee kala trei shitom ha kaban shimkhia ia kane ka mat. Ka kynhun kala leit ban jurip ia ki jaka kynthup ia ka jingleit jurip ia ki karkhana bad kala lum ia ki jingtip na kitei ki jaka hi shaphang ki daw jongka jingshah pynjulor jong ka mariang.
“Ka committee kala dep ban phah ia ki jingbthah sha ka sorkar” ong u Bah Syiem bad ka pyntip ba bun ki jingtyrwa kidei kiba kila pynkhreh ban iarap ban pynkylla ia katei ka jingshah pynjulor bad ban iada ia ki tyllong um kiba dang sah hapoh ka jylla.
Ula pynpaw ia ka jingkyrmen ba kan don ka jingshimkhia kaba mardor.
“Ngi kwah ba ia ki jingai jingbthah ki jong ngi kidei kiba la pdiang da ka sngewkhia bha ia ka kam bad ban leh eiei noh mardor. Ka um kaba khuid bad kaban iai neh ka long kaba kongsan ym tang ia ka mariang hynrei ia ka imlang sahlang kaba shaniah ha ka” la ong u Bah Syiem.
Ula kyntu ia ka sorkar ba kan pynkylla ia katei ka jinglap jong ka committee sha ka polisi treikam bad ban shimkhia da ka kam bad ka maham ba lada ka jingleh kiar ka dang iai bteng ka lah ban ktah jur ia ka mariang bad ia ka koit ka khiah jong ki paidbah.
 uba long ruh u dkhot jongka Assembly Committee on Environment, u Bah Mayralborn Syiem, ula pynpaw ia ka jingsngewkhia halor ka jingsniewdur ki wah bad ki wahduid ha ka jylla Meghalaya, da kaba kynnoh ba kadei namar ka jingpom pathar ia ki dieng ki siej bad ka jingbym pyrkhing ia ka jingpyllait ia ki jaboh na ki karkhana.){kind=link}