Shillong, Nailur 04: Ka Federation of All Meghalaya Adhoc Secondary Teachers Association (FAMASTA) ka la pynpaw ia ka jingsngewkhia halor ka jingbym leh eiei jong ka Sorkar Jylla halor ki jingdawa jong ki nonghikai ban ioh ia ka Basic Pay plus Dearness Allowance (DA).
Hadien ka jingïakynduh bad u Commissioner & Secretary ka Tnad Education Vijay Kumar Mantri ha ka sngi Thohdieng, ka President ka FAMASTA Kong Bina Kharumnuid ka la ong, “Ngi la rai ban ïakynduh ïa u (Mantri) namar watla ngi la aiti ïa ki jingai jingmut jong ngi (ha u bnai Jymmang) halor ka Meghalaya Education Grant (MEG) hynrei ka Sorkar kam pat khot iakren ia ngi bad kane ka pynlong ia ngi ban sngew baka Sorkar kam don jingsngew satia haba iadei bad bha jingmiat jong ki nonghikai adhoc”.
Ka FAMASTA ka la iai ban halor ka jingshngain ka kam bad ban pynkiew ia ka tulop ki nonghikai Adhoc, kiba la iohi ia ka jingkiew na ka T.1,800 sha ka T.29,000 ha kine ki snem. Hynrei ka seng ka dawa ba dei ban ai ia ki nonghikai adhoc ia ka basic plus DA, ka jingdawa kaba la sahteng naduh u snem 2006.
Kala ong ba ka jingiakynduh ia u Commissioner & Secretary, ki nonghikai kila pynpaw ia ka jingsngewkhia ba ka MEG ka lah ban ktah ia ki nonghikai adhoc, namar ba ka tyrwa ba ia ki kam ba la pyllait da ki nonghikai ba la shongthait yn nym pyndap shuh, kaba lah ban wanrah ia ka jingma ban shah ot tulop da ki School Managing Committee (SMCs) ban thung ia ki nonghikai ba thymmai.
Ka president kala kynthoh bad kane kan ktah ym tang ia ki nonghikai hynrei ia ki khynnah skul ruh.
“Ngi la pynksan biang ia ki jingdawa jong ka FAMASTA ba dei ban ai ia ki nonghikai adhoc ia ka basic plus DA ban pynthikna ia ka jingshngain ha ka kam bad ban pynkiew ia ka tulop” kala ong.
Ka FAMASTA ka kyntu ia ka Sorkar ba kan shim khia ban pynbeit ia ki jingdawa jong ki, ym ban shu pdiang ia ki jingai jingmut jong ki.
“Lada ngi kwah ban kyntiew ïa ka pule puthi, ngi donkam ruh ban shimkhia ïa ka tulop jong ki nonghikai nalor ban jurip bha ïa ki skul bad ban pynbha ïa ki jingtei bad iaki jingdon jingem jong ki skul” kala bynrap.
 ka la pynpaw ia ka jingsngewkhia halor ka jingbym leh eiei jong ka Sorkar Jylla halor ki jingdawa jong ki nonghikai ban ioh ia ka Basic Pay plus Dearness Allowance (DA).){kind=link}