Shillong, Jylliew 09: Ka Khasi Jaintia Church Leaders’ Forum (KJCLF) hynne ka sngi Thohdieng, kala pynpaw ia ka jingsngew khia halor ki jingjia iaumsnam kiba dang iai bteng ha Jylla Manipur namar thma iapher Jaidbynriew.
Ki kam pyntriem ba shyrkhei kiba la shim ia shibun ki mynsiem briew, wanrah ia ki jingjulor ia kiba bun ki Iingmane, ki Nongkynti bad ki Iingbriew ki dei ban sangeh noh, ong ka Forum haba kyrpad ia ki Nongshongshnong ka Manipur ba kin sangeh noh ia ka jingialeh para maki bad ban ialong jai jai noh.
Ka Forum kala pynpaw ruh ia ka jingsngewlem bad baroh ki lanot jong kane ka thma iapher jaidbynriew bad kyrmen ba ka jingsuk kan wan phai noh.
Ka Forum kala khot ruh ia baroh ki Khristan, ki Balang bad ki Seng Khristan jong ka thain ba kin pynsngew lang iala ki jing sngewkhia bad ban iapyni ruh ia ka jingiadon ryngkat bad ki nongshongshnong ka Manipur kiba la shah ktah jur na kane ka jingia umsnam ka bym sngew iahap satia.
 hynne ka sngi Thohdieng, kala pynpaw ia ka jingsngew khia halor ki jingjia iaumsnam kiba dang iai bteng ha Jylla Manipur namar thma iapher Jaidbynriew.){kind=link}