Shillong, Naitung 20: U Myntri Rangbah ka jylla u Conrad K Sangma hynne ka sngi Palei, ula leit shim bynta haka jingrakhe Diamond Jubilee jong ka Shillong College.
Kane ka jingleit u Myntri Rangbah sha kane ka shlem pule kadei hadien baka Shillong College kala ioh jingithuh Accredited A+ Grade naka NAAC.
Lyngba ka twitter u Conrad ula ong “Nga dap daka jingsngewkmen ban ioh shim bynta ha kane ka jingdap Diamond Jubilee jong ka Shillong College”.
“Ka Shillong College kala paw kum kawei ki jaka pule kiba pawkhmat hapoh ka jylla. Nga ai khublei iaki nongseng ia kane ka shlem ai jinghikai, ki nonghikai bad ki nongtrei kiba la trei shitom tad haduh ban da ioh ka jingithuh Accreditation A+ Grade naka NAAC bad kane ka paw ba ka Shillong College ka trei shitom ban kyntiew iaka pule puthi” ula ong.
Haka jingkren u Conrad ula kyntu iaki samla pule ban trei shitom ha kaban kyntiew iaka imlang sahlang bad iaka jylla daka pyndonkam iaki technology ka juk ba mynta.
“Nga kitbok kitrwiang ia ka Shillong College ba kan iai bteng ban kynjoh ia ki mawmer ha ki snem ban dang wan” ula ong.
In the address today, I called upon the student community to be active contributors in the progress of the state and use science, technology and innovation to make positive impact in our communities. I wish Shillong College many more accomplishments in the future. pic.twitter.com/qN9cCkqcsm
— Conrad K Sangma (@SangmaConrad) July 20, 2023
Ki nongpyniaid jong ka Shillong College kila pyntip ba ka college kala ioh iaka A+ accreditation na ka National Assessment and Accreditation Council (NAAC).
Lyngba ka email sha ka Principal jong ka Shillong College, ka NAAC kala omg “Ka College jong phi kala ioh jingthuh Accredited bad kala ioh CGPA 3.33 points bad kane ka A+ Grade kan treikam 5 snem naduh 24-06-2023”.
Lyngba kane ka jingithuh naka NAAC, ka Shillong college kadei kaba wan hakhmat eh napdeng kiwei ki jaka pule na Meghalaya.
Pule lang ia kane: Pyntip u CM ba la sdang kem ki Pulit ia ki briew halor ka video ba pyniaid lyngkhuit ia ki Kynthei
