Smai ka Tipra Motha ban pynurlong ia baroh ki ishu ki riewlum hapoh ka phra bnai

Agartala, Lber 3: U Khliehduh ka Tipra Motha Party (TMP) Pradyot Bikram Manikya Deb Barman, ha ryngkat bad arngut ki Nongialam ka party ha ka sngi Saitjain, kila iasoi ia ka soskular ba lai liang mamla bad ka Sorkar Pdeng lem bad ka sorkar Tripura ha New Delhi, bad pyntip ba ha kine ki hynriew haduh phra bnai, ki jingeh ba sahteng bad ki ishu ba iatakhuh da ki paid riewlum yn sa pynbeit noh.

U Deb Barman, u ban sa wanphai sha Tripura na Delhi mynta ka sngi U Blei, lyngba ka kyrwoh video bala buh ha ka social media ula ong, hooid, ngi la soi ia ka soskular ka ban sah khana pateng la pateng bad ngin nang trei shitom shuh shuh kum ki nongialam bad kum ka jaidbynriew.

“Ngi hap ban pyntreikam ia ka land rights jong ngi, ka rukom ioh song pisa, ka ktien thoh, ka jingmihkhmat ha ka kam sain pyrthei bad ruh ban pynim biang ia ka histori bad ka kolshor ba ngi la iohnam. Kaei kaba ngi pan ka dei kat kum ka riti synshar ka ri. Ngi kwah ba ka Sorkar kan pynurlong ia ki jingdawa” ong une u Nongialam ka TMP haba iakren bad ki lad pathai khubor kham hashuwa.

Ki paid riewlum ka Tripura ki don shi bynta na ka lai bynta ha ka jingdon paid nongshongshnong kaba kot 4 million ngut.

U Deb Barman ula iaroh ruh ia u Myntri kam Pohiing Amit Shah halor ka jingkren ia ka histori ka Tripura haba ai jingkren hadien ka jingiasoi ia ka soskular.

Kat kum kane ka soskular, yn sa thaw ia ka Joint Working Group/Committee ka ban khmih bad pyntreikam ia ki mat bala iamyjur lang.

Nalor u Deb Barman, u Nongialamka Liang Pyrshah bad ka TMP Animesh Debbarma, President ka TMP Bijoy Kumar Hrangkhawl, u Chief Secretary ka Tripura JK Sinha bad u Addl Secretary ka Home Ministry (NE) Piyush Goyal, kila iasoi ia kane ka soskular ba liang mamla.