Gangtok, Rymphang 05 :Ka ophis treikam jong ka party Sikkim Democratic Front (SDF) ha Gangtok la kynnoh ba ka la ngat ha ka jingshah thombor ha u paidbhur hynne ka sngi U Blei.
Ki nongialam ka SDF ki la kynnoh ia ka jingdonkti ki nongtrei jong ka party synshar Sikkim Krantikari Morcha (SKM) ha lyndet kane ka kam thombor.
Katkum ki khubor kine ki rumar la kynnoh ba ki la kawang da ki bom grenade bad ther maw ia kane ka ophis jong ka party SDF ha Gangtok, Sikkim.
Kine ki runar la kynnoh ruh ba ki la pynjot pynpra ia ki jingdon jingem kynthup ia kawei ka bus skul kaba don marjan katei ka ophis jong ka SDF ha Gangtok.
Lah ban kdew ba ha kane ka sngi Saitjain ba la lah, ka head ophis jong ka party SDF kaba don ha ka lynti surok bypass ha Gangtok ruh ka la ngat ha ka jingshah thombor ha ki runar.
Kane ka jingshah thombor jong katei ka ophis ha Gangtok hynne ka sngi UBlei ka la wan long ruh ha ka sngi kaba jong ka jingkhot pakhang shmong ba la khot pynlong da kane ka party.
Hadien jong katei ka jingjia na ka liang ki bor pulit ki la wan poi mardor ha kane ka ja ka bad lah ban tehlakam ia ka jinglong jingmam baroh.
