Gangtok, Risaw 22: Hadien 19 sngi ba syllad ka umsaw jong ka wah Teesta ia ka jylla Sikkim, ki shipai ka Indian Army ha ryngkat ka BRO bad ka jingiarap lang ki bor District bad trai shnong, kila sdang ban maramot biang ia baroh ki surok kiba pyniasoh sha North Sikkim.
Kat kum ka kyrwoh na ki shipai, la ong ba katba ka BRO ka dang pyrshang ban maramot ia ka surok Mangan-Tung-Chungthang, ki shipai Indian Army ha ryngkat ka BRO bad ki bor District, kila pyrshang biang ban plie noh ia kawei pat ka surok Mangan-Sanklang-Theng-Chungthang.
La ong ba kane ka surok ka donkam ban hap shna ia artylli ki jingkieng nar halor ka wah Teesta ha Mangan-Sanklang. Ia ka jingkieng ba nyngkong la pyndep hynne ka 22 tarik Risaw ha ka step por 11 baje.
#WATCH | Sikkim | Troops of Indian Army along with BRO and assistance of civil administration and locals are undertaking operations at a massive scale to reconnect North Sikkim. As an immediate relief to restore connectivity up to Chungthang via alternate route Mangan- Sanklang-… pic.twitter.com/76WSAaBVYj
— ANI (@ANI) October 22, 2023
Ki jaka jong ka North Sikkim ba shaneng ka Mangan ki dei ki bym lah shuh ban poi naduh ka 4 tarik Risaw, ka sngi ba bthei ka pung thah.
Kum ka sienjam ban lah lei tai jingiarap ia ki lanot, la shna ia ki jingkieng iaid ktah bad ki zip line ha Chungthang bad ha ka jaka jam ha Sanklang-Mangan.
