Gangtok, Risaw 11: Ka Sorkar Sikkim kala pynkynriah ia ka jingwan iuhkjat jong u Nongialam Niam ki Tibet Dalai Lama, ka ban long ha u bnai ban wan namar ka jingshah lynshop ka Jylla ha ka jingshlei um ba shyrkhei ha ka atiew bala lah.
U Dalai Lama u dei ban leit iuhkjat ha Sikkim bad ha Arunachal Pradesh.
Ka jingiap jong ki briew na ka jingshlei um ha Sikkim kala kot sha ka 77 ngut. Na Sikkim la ioh ban tam haduh 37 tylli ki metiap katba 40 tylli la ioh tam na ki rud wah jong ka wah Teesta sha ki bynta ka thain Jalpaiguri, West Bengal.
Ka jingdon jong ki briew ba dang jah rngai ka long 79 ngut. Haduh 28 ngut ki briew kila mynsaw na kane ka jingshlei um.
