Gangtok, Risaw 22 : U Myntri Rangbah ka Sikkim Prem Singh Golay, ha ka sngi U Blei ula leit iuhkjat ha Chungthang, kaba la wan jia hadien 19 sngi hadien ka jingbthei ka dam, kaba wanrah ia ka jingshlei um ba shyrkhei hapoh ka Wah Teesta.
U Myntri Rangbah ula lum jingkhein ruh ia baroh ki jingpynjulor jongkane ka umsaw bad ioh iakren ruh bad ki longiing kiba la shah ktah jur ha kane ka jingjia.
Ka Chungthang ka dei ka shnong kaba shah ktah jur bha ha kane ka jingshlei um. Ka jingjulor hapoh ka dam Teesta Stage 3 bad ha shilynter ka wah Teeta kala jia hadien ka jingther u lap bah kaba pynbthei ia ka pung thah ha ka 3 tarik Risaw.
Kat kum ka khubor, 80 % na ka sor Chungthang kala shah ktah ha kane ka jingpoi ka umsaw ka wah Teesta.
Palat 1200 tylli ki Iing kila shah pynjulor ha ka umsaw, kaba la rong ruh haduh 13 tylli ki jingjia ha kane ka Jylla ba don ha kjat u lum Himalaya.
Haduh 92 ngut ki briew kila iap bad bun phew ngut ki dang jah rngai ha ka jingshah rong ha ka umsaw, ia kaba la suba jur ba ka met jong ki, ka lah ban leit poi sha West Bengal lane wat sha Bangladesh.
