Guwahati, Naitung 23: Kawei na ki kam pyllait im ïa ki karkhana kaba eh bha ha Sikkim ka la poi sha kaba kut ha ka sngi Palei hadien ba ki kynhun ki la sei ïa ki metïap jong ki lai ngut ki nongtrei kiba sahkut hapoh ka tunnel ba dang shna jong ka NHPC Teesta Stage VI Hydropower Project ha Samardung ha Namchi district bad ka jingdon kiba ïap ka la kiew sha ka 25 ngut.
Ki bor pyniaid ki la ong ba ka jingpynkhuid kaba khatduh ïa ka tunnel ka la pynthikna ba ym don shuh mano mano ba sahkut, kaba la pynkut noh ïa ka operation kaba eh kaba saw sngi lynter bad kaba la pynlong ha ki jaka ba ma kiba la pynpaw da ki lyer bih, ka ktieh bad ka jaka bym shngaiñ.
Ki lanot ki kynthup ia ki nongtrei bad ki ophisar jong ka NHPC, ARX bad ka Patel Engineering Ltd bad ki dei kiba wan na ki 10 tylli ki jylla. Ka West Bengal ka dei kaba bun eh kiba iap (11 ngut), bud sa ka Jharkhand (4), Jammu and Kashmir (2) bad Uttarakhand (2). Uwei uwei uba la iap u dei na Kerala, Uttar Pradesh, Bihar, Sikkim, Punjab bad Assam.
Hadien katei ka jingjia ba sngewsih, ka sorkar Sikkim ka la thaw ia ka high-level inquiry committee ban lap ia ka daw jong katei ka jingjia aksiden bad ban ai jingmut ia ki lad ki lynti ban pynkhlain ia ka jingshngain ha ki projek pynroi ha kylleng ka jylla.
Kane ka jingleit pyllait im ka la wanrah lang ïa ka kynhun NDRF, SDRF, Mines Rescue Team of Eastern Coalfields Limited, Sikkim Police, Fire and Emergency Services, NHPC, ka tnad ka koit ka khiah bad kiwei kiwei ki agency hapoh ka jingpeit jong ka bor pyniaid district Namchi bad ka Sikkim State Authotyri Disaster Manage.
Ïa kine ki metiap la pynkynriah noh sha Hospital ha Singtam, Gangtok, Namchi bad sha Central Referral Hospital (CRH), Manipal, na ka bynta ban leh ïa ka Medico-Legal Formalities shwa ban aiti noh sha ki bahaïing jong ki .
