Gangtok, Nailar 30 : U MLA ka BJP na Gangtok T Lepcha ula kam ba ka party pukir (saffron party) kan ym ioh wat tang 500 vote lada ka iakhun marwei ia ka elekshon Assembly ha Jylla.
Haba iakren bad ki nongthoh khubor, u Lepcha ula ong “Ka lad ba ka BJP kan jop na kano kano ka constituency ha ka elekshon MLA ha Sikkim ka ban long ha u 2024 ka duna bha khlem ka jingiatehlok bad ka SKM”.
Ki seng sain pyrthei ka Sikkim kila pynkhreh bha ialade ban mih sha ka elekshon Assembly ban ioh ia ka jingjop.
U Lepcha ula ong ba ka BJP kam sngewhun satia ia ka jingiatehlok bad ka Sikkim Krantikari Morcha (SKM) bala khlieh da u Myntri Rangbah Prem Singh Tamang, ba ju tip kum u PS Golay bad la lah ban iakhun ia kane ka elekshon ban wan khlem kano kano ka jingiatehlok.
“Ka BJP kam shym la jop wat tang kawei ka seat jong ka panchayat dalade. Ngi la jop artylli ki elekshon shiteng samoi ka Assembly namar ka jingiatehlok bad ka SKM” ong u Lepcha haba kdew ia la ka jong ka jingjop na Gangtok bad ruh jong u ST Venchungpa na Martam Rumtek.
Ka BJP ka don 12 ngut ki MLA, 10 ngut kiba la phet noh na ka liang pyrshah Sikkim Democratic Front (SDF) ha u snem 2019, katba arngut ki dei kiba shah jied n aka ticket jong ka party ha ka elekshon shiteng samoi ba long ha une u juh u snem.
Haba iakren bad ki nongthoh khubor, u nongaiktien ka BJP Kamal Adhikari ula ong ba ki jingpynpaw jong u Lepcha ki dei ki jingpynpaw shimet.
“Ngin sei kyrtong na baroh 32 tylli ki Assembly constituency ha Sikkimnamar namar kam pat shym la don ka jingiakren hapdeng ki ar party ba kin iatreilang haduh mynta” ong u Adhikari.
Pule lang ia kane: Pynthikna u DyCM ba ka Lapangap kam hap hapoh ki jaka iakajia pud bad ka Assam
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
