Shillong, Nailur 27 : Uwei u Pulit Langrut ula dkhat jubor iala ka jong ka jingim katba u dang don ha ka kam ban pahara ia ka Iingsah jong u Additional Judge ka Iingkashari Meghalaya High Court, kaba don ha Kenches Trace, Laban.
Kat kum ka khubor Pulit, kane ka jingjia kala jia hynne ka step sngi Balang. Une u Pulit Langrut ba kyrteng da u Chiran Moshahary, ula siat ialade da la ka jong ka suloi ba ai ban pahara.
U Chiran Moshahary u dei uba sah ha Police Quarter ha Police Reserve, Jail Road, Shillong.
Ia ka daw jong kane ka jingjia hi ym pat lah ban tip hynrei ki bor khmih kila pynlong ia ka jingtohkit ban lap ia kaei ka daw ba lam shaduh une u pud.
Ia ka metiap jong une u Pulit Langrut la shimti noh da ki Pulit ka Laban Police Station ban phah leh Post Mortem.
Pule lang ia kane: Nagaland : Pynjlan ka Sorkar sa 6 bnai ia ka AFSPA ha Arunachal Pradesh bad Nagaland
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
