Tura, Nailur 22: Uwei u Nongkhaii masi sha Bangladesh, ula shah siat iap ha ki shipai BSF hynnin ka miet sngi Palei ha khappud ka India-Bangladesh kaba hap hapoh ka Kharuabandha Police Station, South Salamara Mankachar District.
La pyntip ba kane ka jingjia kala jia ha ka por kumba 7 baje mynmiet. Ia une u nongkhaii masi la siat iap da ki shipai ka 45th Battalion ki BSF kiba dei naka BSF camp ha Dipchar.
Ia une u Nongkhaii masi la ithuh kum u Mintu Sheikh ba 27 snem, khun jong u Shajahan Ali ba na ka Shnong Kanaimara.
