Nongpoh, Risaw 31: Daka mynsiem kaba shitrhem, ki khun samla jong ka them Ribhoi naki shnong bapher bapher ki la wan ban shim bynta haka Fit India Run 4.0 kaba la pynlong daKa Ophis u District Sports Ophisar Ribhoi District haka jingïatreilang bad ophis jong u Deputy Commissioner, Ribhoi District.
Kane ka jingïakop Mareh kala sdang naduh ka por 7 baje mynstep na Indoor Stadium Jong ka shnong Saiden bad pynkut pat haduh ha NSCA indoor stadium Umlyngkdiat.
La kaweh lama ia ka da bah RB Shadap, President ka RBDSA haka jingïadonlang u bah Bobby L Nongbet, DSO Ribhoi, lem bad ki ophisar naka sports ophis.
Ha kane ka jingïakop mareh, la wan ban ïashim bynta haduh 350 ngut tam ki ba kynthup naduh ki khun samla kynthei bad shynrang, ki heprit bad ki rangbah kiba la San ha ka rta.
Naka liang ka ophis u DSO, Nongpoh ki la pynkhreh ruh ïaka trophy bad ka song pisa sha ki nongjop ha kaba, ki ba wan ba nyngkong kin ïoh ïaka song pisa kaba 5 hajar, baar 4 hajar bad ba Lai 3 hajar tyngka.
Bad kiba wan ban shim bynta haka kyrdan kiba rit tam haka rta bad ki ba heh tam haka rta kin ïoh rah ïaka song pisa kaba mar 1 hajar tyngka.
Haba phai sha kane ka jingmareh haka thup jong ki shynrang u samla Monas Bongrung u la wan haka kyrdan kaba nyngkong, u Samla Erisstar Sohshang u la wan baar bad u samla Lapynkhraw Thabah u la wan balai.
Haka thup jong ki kynthei ka samla Barisha Khymdeit ka la wan ba nyngkong, samla Sildaris Makri ka la wan baar bad samla Barilin Sylliang ka la wan balai.
Bad ïa ka nam kiba la San haka rta naka liang ki shynrang u la ïoh da u bah Ibansuklang Warlyngah bad naki kynthei la ïoh da i kong Snora Rani.
Ia ka nam kiba rit tam ha ka rta naka thup ki shynrang la ïoh da u Leonard W Narlong bad naki kynthei la ïoh da i Phibanrai Khongngai.
