Nongstoiñ, Naiwieng 14: Sa kawei ka Jingkieng nar ha ka shnong Mawthungkper, kala shong synjor na ka jingtwa jong ka kynroh maw jong kane ka jingkieng.
Kane ka jingtwa ka kynroh la kynnoh ba ka jia tang namar ka jingtih khyndew jong ka kompani kaba pynrei ia ka surok Nongstoin-Wahkaji.
Kane ka jingkieng ka dei ka jingkieng kala pyniadoh ia ki phew tylli ki Shnong ka West Khasi Hills bad ka South West Khasi Hills District.
Kat kum ka jingiathuh ki Nongshongshnong, la ong ba kane ka jingtwa ha kane ka Jingkieng kala jia hynnin hi ka sngi U Blei ha ka por ba ka kompani ba pyntrei ia ka surok Nongstoin-Wahkaji ka dang tih khyndew hajan jong kane ka jingkieng ban shna ia ka jingkieng thymmai.
Kane ka jingtwa kala wanrah ruh ia ka jingdheng kali hynnin ka sngi ha ka thain bad la ong ba kane ka jinglong jingman kala pynsyier ia ki paidbah kiba pyndonkam ia kane ka jingkieng manla ka sngi.
Na ka liang jong ka kompani ka la pynmarot bha noh ïa katei ka jingtwa bad la khmih lynti ba mynta ka janmiet, yn sa long ban ïaid ki kali rit, katba ki kali heh kin dang shim por ban ïaid na kane ka jingkieng.
