Shillong, Jylliew 22 : U Myntri Rangbah ka Jylla Conrad K Sangma hynne ka sngi Palei, ula pyntip ba ula shong jingialang bad ki Heh Ophisar ka Ministry of Ministry of Rural Development (MoRD) ban bishar kam halor ka jingpyntrei ia ki skhim bapher bapher jong ka Ministry hapoh ka Jylla.
Ka jingiakren kala pynleit jingmut ruh halor ka thong ha kine ki san sben ban wan ha ka ban kyntiew ia ka imlang sahlang bad ka roi ka par ki Nongshongshnong.
U Conrad ula ong ba ka jingiakren hi ka long halor ki jingeh ba iakynduh da ki paidbah ha ki shnong ki thaw haba iadei bad ka jingpyntreikam ia ki skhim bad ka jingkyrshan ba ka Ministry ka lah ban leh eiei ha kaban weng ia kine ki jingeh.
Haba pyntip ia kane hapoh ka Twitter, u CM ula thoh “ La pynlong ia ka jingialang bad ki Heh ka MoRD, GOI ban shong bishar ia ka jingpyntreikam ia ki skhim bapher bapher ka Ministry haba pynleit jingmut ia ka thong na ka bynta ki san snem ban wan ha ka roi ka par ki shnong ki thaw bad ki nongshongshnong. Ngi la iakren ruh iaki jingeh ba ki paidbah kila mad jingeh ha ki shnong ki thaw ban pyntreikam ia ki skhim bad ka kyrshan ba ka Ministry ka lah ban ai ha kabah weng ia ki”.
Ha ka sngi Balang, u Myntri Rangbah ula lum ruh ia ka jingialang bad baroh ki Deputy Commissioner lem bad ki tnad bapher bapher ban iakhmih ia ki jingpynjulor kiba wan na ka jingiai hap u slap kynthup ka jingduh noh ia ki mynsiem briew.
Pule ruh: Thung u DC ia ka Magisterial Inquiry ba twa ka kynroh jong ka PA Sangma Stadium
 ban bishar kam halor ka jingpyntrei ia ki skhim bapher bapher jong ka Ministry hapoh ka Jylla.){kind=link}